Сыртқы істер министрлігі үйінді астынан мәйіті табылған отандасымыздың кім екенін анықтады. Марқұмның денесі елімізге жеткізіледі.

Ведомствоның хабарлауынша, кеше 8 ақпанда жоғалған қазақстандықтармен бірге болған Түркия азаматы Кубилай Кескиннің тірі табылғаны айтылған болатын. Алайда туыстары бұл ақпаратты жоққа шығарды.

«Бүгін 9 ақпанда таңертең жалғасқан іздестіру кезінде түрік азаматы өлі табылды. Ол Кубилай Кескин болып шықты. Туыстары оны растады. Сондай-ақ үйінді астынан өлі табылған қазақстандық Әділ Қадырбеков екені анықталды. Сыртқы істер минитрлігі Қазақстан азаматының денесін отанына жеткізуге көмек көрсетеді», –  делінген хабарламада.

Біздің құтқарушылар жоғалып кеткен Мирболат Құрмашевты іздеу жұмыстарын жалғастырып жатыр.

Бұған дейін үйінді астынан қазақстандықтың денесі табылғаны хабарланды.