Елордада Ұлттық қорғаныс университетінің алында тұрған тұңғыш президент Нұрсұлтан Назарбаевтың ескерткіші алынып тасталды, деп хабарлады Halyq Uni тілшісі.

Бұл жағдайға Қорғаныс министрлігінің баспасөз қызметі түсінік бермеді.

Монумент 2020 жылғы 3 шілдеде орнатылған. Ол кезде Нұрсұлтан Назарбаев Қауіпсіздік кеңесі мен Nur Otan (қазіргі AMANAT) партиясының төрағасы болды.

Сол жылы 6 шілдеде экс-президент 80 жасқа толған еді.

Еске сала кетсек, Нұрсұлтан Назарбаевтың есімі ұлттық университеттен алынатыны былтыр хабарланған болатын. Сондай-ақ Әділет министрі бұрынғы мемлекет басшысының заңда қандай артықшылығы қалғанын түсіндірген-ді. Сонымен қатар Мәжіліс төрағасы бүгінде Нұрсұлтан Назарбаевтың мемлекеттік істерге араласпайтынын мәлімдеді.