Михаил Кукушкин Астанада өтіп жатқан Президент кубогы үшін ATP Challenger Tour 50 турнирінің екінші айналымына шықты.

Жарыстың бірінші ракеткасы болып тіркелген теннисші алғашқы кездесуін ресейлік Евгений Тюрневпен өткізді. Кукушкин қарсыласын 6:2, 6:0 есебімен ұтты.

Енді Кукушкин ширек финалға шығу үшін үндістандық Дигвиджай Сингх немесе жапониялық Рента Токуданың біреуімен кездеседі.

Тимур Мәуленов жекелей сында Польша өкілі Филипп Пеливоға 6:7 (4:7), 1:6 есебімен жеңілді.

Тағы бір қазақстандық 19 жастағы Арысланбек Айтқұлов іріктеу сайыстарының финалында үндістандық Калианда Пуначеден 1:6, 3:6 есебімен ұтылды.