«Стратегия» қоғамдық қорының мәліметінше, Энергетика министрі Алмасадам Сәтқалиев пен Сауда және интеграция министрі Арман Шаққалиев басқарушы элитаның 2023 жылғы рейтингінде жұмысы тиімсіз 10 министрдің қатарына кірген. Бүгін Үкімет отырысынан соң журналистердің олардың өздері рейтинг тізімінде берілген бағаны қалай қабылдайтыны туралы сұрағына жауап берді.

Мысалы, Сауда және интеграция министрі бұл тізімде 34-орында тұр.

Кері байланыс алу тұрғысынан шынымен пайдалы рейтингтер бар. Неліктен төменгі сатыға тап болғанымызды міндетті түрде білемін. Алдымен оның себептерін түсінуіміз керек. Бірақ тиімділік пен ашықтықты бұқаралық ақпарат құралдары бағалайтынын айтуымыз керек. Әрине, өзіңе баға беру – әдепсіздік. Басқа бағыттарға келсек, салада оң әсер бар ма, жоқ па, соны айтуы керек. Менің таяуда тағайындалғанымды ескерсек, біздің тиімділігіміз әлі алда. Біз өз сөзімізді әлі айтамыз, - деді Арман Шаққалиев.

Сондай-ақ министр кері байланыс үшін рейтингті зерттеп, жұмысын жақсарту үшін барын салуға уәде берді.

Ал рейтингте 36-орында тұрған Энергетика министрі Алмасадам Сәтқалиев болса, түрлі рейтингті бағалау кезінде осындай сыни көзқарас болған дұрыс деп есептейді.

Жалпы, мен бұл агенттік туралы бірінші рет естіп тұрмын. Бұл контрагенттеріміздің көбінің көзқарасын шынымен көрсете ме, жоқ па, сарапшылардың деңгейін түсіну керек. Менің ойымша, жұмыс жүргізілді. Министрліктің және жалпы Үкіметтің қысқа дайындау, өнеркәсіптің жаңартылатын электр көзін кең көлемде енгізу, апаттардан соң қалпына келтіру бойынша іс-шаралар жоспарын әзірлеуі – қандай да бір бағалауға лайық. Мен сондай-ақ осыған ұқсас басылымдардың біразының иесін білемін, соның ішінде Telegram арналарымен де таныспын. Мұндай рейтингтер қалай құрастырылатынын, оларды құрастыру кезінде қандай критерийлер мен негізгі тәсілдер қолданылатынын білемін. Сондықтан сын көзбен қарап, өз пікірімізге және сарапшылар қауымдастығының бағасына сүйенуіміз керек, - деді Сәтқалиев.

Айта кетсек, «Стратегия» қоғамдық қоры Қазақстанның басқарушы элитасының рейтингін жариялаған болатын. Оған 28 сарапшы қатысқан. Тізім 2023 жылдың соңғы тоқсанының қорытындысы бойынша әзірленіпті. Онда барлығы 47 мемлекеттік органның басшылары бар.