Қазақстан құрамасының бас жаттықтырушысы Магомед Адиев ұлттық құраманың Финляндия командасымен ойыны туралы ойын айтты.

Ұтылдық. Басқа не айтамыз?! Таблодағы есеп ойынға сай. Бір әттеген-айы, матчы тең аяқтауға болатын еді. Олардың да өз мүмкіндіктері болды, бізде де болды. Ойын кезінде есеп тең болады деген ой келді. Бірақ гол жіберіп алып, өз мүмкіндіктерімізді пайдалана алмадық. Алаңның ортасында қарсыластан басым түсуді қаладық. Кейбір тұстар қолымыздан келді, кейбіреуі келмеді. Тактикалық тұрғыда финдерді жеңуге ниет болды. Өткен ойынды талдап, Солтүстік Ирландиямен болатын кездесуге жоспар құруымыз керек. Әрине, жеңілістен кейін құрамада өзгеріс болады, – деді ол.

Сонымен бірге бас жаттықтырушы команданың жанкүйерді қуантқысы келгенін, бірақ жеңілісті де мойындауға тура келетінін айтты.

Футбол болған соң, бәрі ұпай жоғалтады. Әрине, біз жанкүйерлерді қуантқымыз келді. Бүгін бізді қолдауға көптеген адам келді. Бірақ жеңілісті қабылдай білу керек. Әрине, бұны қабылдау қиын. Әсіресе мен сияқты бас жаттықтырушы үшін өте қиын, – деді Магомед Адиев.

Кешегі матчтан кейін Қазақстан құрамасы H тобында төртінші орынға түсіп қалды. Ал Н тобында Қазақстан құрамасынан кейін үшінші орында келе жатқан Дания командасы өз алаңында Сан-Марино жасағымен кездесіп, 4:0 есебімен ұтты. Словения Солтүстік Ирландияны 4:2 есебімен жеңді. Осы есептен кейін Дания мен Словения 3 ұпайдан жинап, 10 ұпаймен екінші және үшінші орынға көтерілді.