«Байрактар» дронын жасайтын «Baykar Makina» компаниясының бас директоры Халук Байрактар Украина мен Ресейдің арасында таңдау болса, қай елге көмектесесіз деген сұраққа Украинаны ғана қолдайтынын мәлімдеді.

Бұл туралы ол АҚШ-тың «CNN» телеарнасына берген сұхбатында айтты.

Менің Ресейден алыс-берісім жоқ. Ресейге ешқашан дрондар сатпаймыз. Біз Украинаны қолдаймыз, оның егемендігін қолдаймыз. Оның тәуелсіздік үшін күресін де қолдаймыз, - деді ол.

Халук Байрактардың інісі Селжук Байрактар Түркия президенті Режеп Тайип Ердоғанның қызы Сюмейенің күйеуі. Яғни, Ердоғанға күйеу бала. Ал Халук пен Ердоған құда.