Итальяндық TotalEnergies командасының велошабандозы Даниэль Осс «Тур де Франс-2022» кезінде көрерменге соғылып қалды. Апат салдарынан ол мойнын сындырып алған.

Видеодан Аренбергке Лилляның бесінші кезеңінің №3 секторында келе жатқан итальяндық спортшының тас жолға тым жақын шығып кеткен жанкүйерге үлкен жылдамдықпен соғылғанын көруге болады. Бұл соққының салдарынан екі бірдей велоспортшы жерге құлап, бірнеше метрге домалайды.  

Велошабандоз кезеңді аяқтағанымен, мойнынан алған жарақатына байланысты алтыншы кезеңнің жарыс жолына шығу мүмкіндігінен айырылды.  

Бұл оқиғадан кейін 35 жастағы спортшының командасы Даниэль Осстың «Тур де Франс» велокөпкүндігінің келесі кезеңіне қатыспайтынын хабарлады.  

Қосымша тексерулер кезінде Даниэль Осстың мойын омыртқасы сынғаны анықталды. Сол үшін бұл велоспортшы «Тур де Франстан» шығып, ауруханада емделеді, - делінген TotalEnergies таратқан мәліметте.