Үкімет бұқаралық ақпарат құралдары өкілдерін елеусіз қалдырмай, радио және баспа күнін Қазақстан мерекелері ретінде бекітті.

Атап айтқанда, Үкіметтің 2024 жылғы 16 тамыздағы қаулысында мерекелік күндер қатарына 2 ақпан және 1 қазан радио және баспа күні болып қосылды.

• Ұлттық баспа күні – 2 ақпан;
• Радио күні – 1 қазан.

Еске сала кетсек, «Журналистер күні» маусымның соңғы жексенбісінде бейресми аталып келген болатын. 2019 жылы президент Қасым-Жомарт Тоқаев Үкіметке тапсырма беріп, Қазақстандағы журналистер күнін ресми түрде бекіткен болатын. Содан Үкіметтің қаулысымен 28 маусым бұқаралық ақпарат құралдары қызметкерлерінің мерекесі ретінде белгіленді. Енді міне, оған биыл жаңадан тағы екі төл мереке қосылып отыр.