Қарағанды облысында гараж өртеніп, ер адам зардап шекті
Жоғары температурадан автокөліктің бояу қабаты зақымдалды
Фото: Halyq Uni
Қарағанды облысында гараж өртеніп, ер адам зардап шекті, деп хабарлады Halyq Uni тілшісі.
Облыстық ТЖД-ның мәліметінше, бүгін Шахтинск қаласында гараж массивіндегі гараждың ішінде 6 шаршы метр ауданда жиһаз жанды. Салдарынан жоғары температурадан автокөліктің бояу қабаты зақымдалды.
Сондай-ақ ТЖД күштерімен өрттен зардап шеккен ер адам құтқарылып, ауруханаға жатқызылды. Бұған қоса, далаға 2 газ баллоны шығарылды. Өрт толық сөндірілді.
