«Қазгидромет» РМК Қазақстан аймақтарында 7 ақпанда болатын қауіпті метеорологиялық құбылыстарға болжау консультациясын жариялады. 

Скандинавия аудандарынан келген кең аумақты циклон Қазақстан аумағының басым бөлігінің ауа райын анықтайтын болады, осыған байланысты тұрақсыз ауа-райы күтіледі, жауын-шашын жаңбыр мен қар түрінде, еліміздің  солтүстік-батысында, солтүстігінде қатты қар, еліміздің оңтүстігінде, оңтүстік-шығысында қатты жауын-шашын жауады. Қазақстан бойынша тұман, көктайғақ, желдің күшеюі күтілуде, солтүстік-батыста, солтүстікте, оңтүстікте, оңтүстік-шығыста  бұрқасынмен қатты жел соғады.

Күндіз Ақтөбе облысының солтүстігінде, күндіз Қостанай облысының оңтүстігінде, шығысында, күндіз Ақмола облысының батысында, солтүстігінде, шығысында, күндіз Солтүстік Қазақстан облысының оңтүстігінде, батысында, Жамбыл облысының таулы аудандарында, таңертең және күндіз Түркістан облысының  таулы және тау бөктерлі аудандарында кей уақыттарда өте қатты жел күтіледі, күші 30 м/с және одан да жоғары болады.