Теннисшілер Дмитрий Попко мен Григорий Ломакин Түркия мен Мысырда өткен халықаралық турнирлерде жеңімпаз атанды. Попко Анталияда ITF турнирін жеңіп алса, Ломакин Шарм-эль-Шейхта осы санаттағы жарыста алтын медаль иеленді.

Попка Түркиядағы жарыстың финалында Өзбекстанның өкілі Сергей Фоминмен кортқа шықты. Матчта Қазақстан теннисшісі қарсыласынан 6:4, 3:6, 6:2 есебімен басым түсті. Осылайша, Анталия жарысы спортшы үшін сәтті аяқталды.

Григорий Ломакин жұптық сында украин Вадим Урсумен бірге финалда италиялықтар Филиберто Фумагалли және Сэмюэль Винсент-Ругиеримен бас жүлдені сарапқа салды. Үш сетке созылған тартысты бәсекеде Қазақстан теннисшілері 6:2, 4:6, 10:5 есебімен жеңіске жетті.