Арменияның астанасы – Ереванда өткен бокстан жасөспірімдер арасындағы әлем чемпионатында Қазақстан қоржынына төртінші алтын медаль түсті.

54 келі салмақта Нұрасыл Төлебек финалда үнді Жатин Жатинді 4:1 есебімен жеңіп, әлем чемпионы атанды. Сөйтіп, ер балалардан екі боксшымыз, қыздардан екі спортшымыз әлем чемпионатының құрмет тұғырына көтерілді. Бұған дейін хабарланғандай, Толғанай Қасымхан 60 келі салмақта ресейлік Кира Леоновадан 3:2 есебімен басым түссе, Аяжан Сыдық 54 келі салмақтағы финалда Үндістан өкілі Амиша Керкеттамен кездесіп, оны 5:0 есебімен жеңді.

Үшінші алтын жүлдені 66 келі салмақтағы Айсұлу Мұхит жеңіп алды. Ол финалда румын спортшысы Амалия Тугуидан айласын асырды.

Еревандағы әлем чемпионатына 51 мемлекеттен 357 спортшы қатысты.

Қазақстан командасы 4 алтын, 3 күміс, 4 қола медальды жеңіп алды.