Алматы - Қорғас тасжолында апаттан екі адам қаза тапты
Үш жолаушы жақын орналасқан ауруханаға түрлі жарақаттармен жатқызылды
Фото: polisia.kz
Жол апаты Жетісу облысы Панфилов ауданындағы республикалық автожолдың 333-шақырымында болды. Алдын ала болжам бойынша, Toyota Camry-дің 29 жастағы жүргізушісі қарсы жолаққа шығып, Volkswagen Passat көлігімен соқтығысқан.
Оқиға орнында 25-27 жас аралығындағы екі ер адам қаза тапты. Зардап шеккен тағы үш адам жақын орналасқан ауруханаға түрлі жарақаттармен жатқызылды.
Жол-көлік оқиғасы фактісі бойынша қажетті сараптамаларды тағайындаумен сотқа дейінгі тергеу басталды.
