Ақтауда екі ересек пен үш бала қандаланы улау салдарынан зардап шекті, деп хабарлады Halyq Uni тілшісі lada.kz-ке сілтеме жасап.

Маңғыстау облысының санитарлық-эпидемиологиялық бақылау басқармасы мен денсаулық сақтау басқармасынің мәліметінше, оқиға кеше кешке 3а шағын ауданындағы 25-үйде болған. Пәтерлердің біріндегі қандалаларды улау салдарынан 5 адам зардап шеккен. Олардың үшеуі – балалар.

Санитарлық-эпидемиологиялық бақылау басқармасының басшысы Әсима Жарылғасова қандаланы пәтер иесі 22 шағын ауданындағы базардан сатып алған күкірт тотығымен уламақ болған.

21:20-да бізге 3а шағын ауданындағы пәтерді улау туралы хабарлама келіп түсті. Бұл жерге біздің мамандар келді. Улау қандай препаратпен жүргізілгенін анықтадық. Барлық көршілерге ескертілді. Қала әкімдігінің көмегімен адамдарды эвакуациялау үшін жағдайлар ұйымдастырылды. Бірақ көрші пәтерлерде тұратын азаматтар кетуден бас тартты. Оларға барлық салдары туралы ескертілді. Оқиға орнында ТЖД және полиция қызметкерлері де болды. Жедел жұмыс жүргізілді және улану себептері жойылды. Ауруханаға 5 адам медициналық көмекке жүгініп, амбулаториялық емделуге жіберілді, - деді Әсима Жарылғасова.

Маңғыстау облыстық көпсалалы аурухананың баспасөз қызметінде зардап шеккендердің жағдайы туралы айтылды.

Екі адам облыстық аурухананың қабылдау бөліміне жеткізілді. Олар амбулаториялық ем алып, үйлеріне жіберілді, - делінген хабарламада.

Сондай-ақ Маңғыстау облысы Денсаулық сақтау басқармасының баспасөз қызметі зардап шеккен балалардың жағдайын мәлімдеді.

Балалар бөлімшесінен бір отбасынан шыққан 3 бала көмек сұрады. Екі балада уланудың ешқандай белгілері болған жоқ. Олар тексеріліп, үйлеріне жіберілді. Бір бала педиатрия бөліміне жатқызылды, жағдайы тұрақты ауыр. Бала түскен кезде әлсіздік пен бас айналуға шағымданған, осыған байланысты ауруханаға жатқызылған, - деп хабарлады өңірдің денсаулық сақтау басқармасы.

Еске сала кетсек, бұған дейін Ақтауда қандалаға қарсы улаудан көрші пәтердегі 2021, 2022 жылы туған балалардың көз жұмғанын хабарлаған болатынбыз.