Ақордада Республика күніне арналған Мемлекеттік ту көтеру рәсімі өтті
Ұлттық мерекені ресми түрде атап өту осы салтанатты шарадан басталды
фото: akorda.kz
Президент Республика күніне арналған Мемлекеттік ту көтеру салтанатты рәсіміне қатысты.
Шара Ақорда резиденциясының алдында өтті.
Қасым-Жомарт Тоқаевқа Құрмет қарауылының бастығы рапорт берді. Содан кейін президенттің бұйрығымен Мемлекеттік ту көтеріліп, еліміздің Әнұраны орындалды.
Ұлттық мереке – Республика күнін ресми түрде атап өту осы салтанатты шарадан басталды. Енді еліміздің барлық өңірінде Мемлекеттік ту көтеру рәсімі өтеді.
