Павлодар облысы әкімдігіне қарасты құрылыс бөлімінің басшысы жауапқа тартылды, деп хабарлады Halyq Uni тілшісі.

Облыстық прокуратураның мәліметінше, мемлекеттік сатып алудың бәсекеге қабілетті емес тәсілімен жеткізушілерді таңдау фактілері анықталған.

«Еңбек-Өскемен» РМК филиалымен және «ҚазҚұрылысСервис» ЖШС-мен бір көзден негізсіз жасалған шарттардың жалпы сомасы 6 млрд теңге болған. Қалалық прокуратураның қадағалау актісі бойынша Ішкі мемлекеттік аудит департаменті талап арыз жұмыстарын жүргізді. Павлодар облысының мамандандырылған ауданаралық экономикалық сотының шешімдерімен 11 шарт жарамсыз деп танылды, – делінген прокуратура хабарламасында.

Сонымен қатар Павлодар қаласы әкімдігі құрылыс бөлімінің басшысы ӘҚБтК-нің 207-бабы («Мемлекеттік сатып алу туралы заңнаманы бұзу») бойынша әкімшілік жауапкершілікке тартылды.