Qazaq kuresi ассоциациясының президенті қызметіне МСМ Спорт және дене шынықтыру істері комитетінің төрағасы Ербол Мырзабосынов сайланды, деп хабарлады Halyq Uni тілшісі.

Qazaq kuresi ассоциациясының президенті болып Мәдениет және спорт министрлігі Спорт және дене шынықтыру істері комитетінің төрағасы Ербол Мырзабосынов сайланды. Ассоциацияны басқаруға алғаш рет қазақ күресінің маманы келіп отыр. Ербол Мырзабосынов – қазақ күресінен халықаралық дәрежедегі спорт шебері, еңбек сіңірген жаттықтырушы, - деп жазылған ассоциация таратқан хабарламада.

Ассоциацияның жаңадан сайланған президенті қазақ күресі ережесін біріздендіруді және оның халықаралық аренадағы танымалдығын арттыру бағытындағы жұмыстар жалғасатынын атап өтті.