Ақтөбе қаласының әкімі лауазымына Азамат Бекет тағайындалды, деп хабарлады облыс әкімдігінің баспасөз қызметі.

Президент әкімшілігінің және қалалық мәслихаттың келісімімен Азамат Бекет Ақтөбе қаласының әкімі лауазымына тағайындалды, - деп жазылған хабарламада.

• Ол – Қазақ гуманитарлық-заң университетінің, Экономика және құқық академиясының түлегі.
• 2016-2018 жылдары Батыс Қазақстан, Атырау облыстарында дене шынықтыру және спорт басқармасының басшысы лауазымдарын атқарған;
• 2018-2020 жылдары Атырау облысы Жылыой ауданының әкімі болған;
• 2020-2021 жылдары Ақтөбе қаласы әкімінің орынбасары қызметін атқарды;
• 2021 жылғы ақпаннан бастап Ақтөбе облысы Хромтау ауданының әкімі болып еңбек етті.

Айта кетейік, Азамат Бекет бокспен шұғылданған. Ол 1997-1999 жылдары жасөспірімдер арасында Қазақстан чемпионы болды. 1999-2001 жылдары жастар арасында Қазақстан чемпионы болды. Түрлі халықаралық турнирлерде Қазақстан құрамасының намысын қорғаған әрі қаржы полициясының капитаны шені бар.