Ақтөбе облысында да бір көліктегі 3 адам тіл тартпай кетті
Жүргізушісі аудандық ауруханаға жеткізілді
фото: дереккөз
Ақтөбе облысында жол-көлік оқиғасы салдарынан 3 адам қаза тапты. Ал жүргізуші ауруханаға жеткізілді, деп хабарлады polisia.kz.
Жол апаты бүгін Хромтау ауданы Жазық ауылының маңында, Самара-Шымкент автожолында болған. «ВАЗ-2110» және Toyota маркалы автокөліктері соқтығысқан.
«ВАЗ» автокөлігінің 3 жолаушысы оқиға орнында көз жұмды, жүргізушісі аудандық ауруханаға жеткізілді. Сотқа дейінгі тергеу басталды және жол-көлік оқиғасының мән-жайы анықталып жатыр.
Еске сала кетсек, бұған дейін Түркістан облысында жол апатынан 3 адамның қаза тапқанын жазған болатынбыз.
