«Қазақстан халқына» қоғамдық қоры қамқоршылық кеңесінің мүшесі болып Мәжіліс депутаты, тележурналист Мақсат Толықбаев сайланды, деп хабарлады қордың баспасөз қызметі.

Қордың мәліметінше, қамқоршылық кеңесінің кезекті отырысында бірқатар шешім қабылданған. Жиында «Тірек-қимыл аппараты бұзылған балаларды роботтандырылған құралдармен (экзоскелетпен) қамтамасыз ету» қайырымдылық бағдарламасын іске асыру мерзімі 2023 жылға ұзартылды.

Айта кетейік, Мақсат Толықбаев – «Халық сүйіктісі – 2020», «Адал тұлға – 2021», сондай-ақ «Үздік тележүргізуші» (2016, 2019 жылдары) байқауларының жеңімпазы.