Ақтөбеде 32 жастағы ер адамнан ірі көлемде есірткі тәркіленді, деп хабарлады Halyq Uni тілшісі.

Полиция қызметкерлерінің мәліметінше, Ақтөбе облысы ПД Есірткі қылмысына қарсы іс-қимыл басқармасының қызметкерлері арнайы бөлімшенің жауынгерлерін тарта отырып, Сүт зауыты ауданында жедел-іздестіру іс-шараларын өткізу барысында 32 жастағы жүргізушінің басқаруындағы Mercedes Benz автокөлігін тоқтатқан. Тінту барысында көліктің жүк салғышынан салмағы 12 келіден асатын есірткі заты бар полиэтилен пакет табылды.

Сондай-ақ жалдамалы пәтерде ерекше иісі бар жасыл түсті өсімдік затының ішінен ақ түсті 2 қап тәркіленді. Сараптама актісінің қорытындысына сәйкес, алынған заттардың жалпы салмағы 40 келіден асатын марихуана екені белгілі болды.

ҚР ҚК-нің 296-бабы 4-бөлігі бойынша сотқа дейінгі тергеу басталды. Осы баптың санкциясы 3 жылдан 7 жылға дейінгі мерзімге бас бостандығынан айыруды көздейді. Күдікті қамауға алынды.