Аргентина ‒ Франция: футболдан әлем чемпионатының финалын қашан және қайдан көруге болады
Футболдан әлем чемпионатының финалын «Qazaqstan» және «Qazsport» телеарналарынан 18 желтоқсанда Астана уақытымен сағат 21:00-де тамашалауға болады
Фото: smi24.kz
Катарда өтіп жатқан футболдан әлем чемпионатының финалын «Qazaqstan» және «Qazsport» телеарналарынан 18 желтоқсанда Астана уақытымен сағат 21:00-де тамашалауға болады, деп хабарлады Sports.kz.
Франция чемпион титулын сақтап қала ала ма? Бұл жағын айту қиын, егер жеңіске қол жеткізсе, тарихи оқиға болар еді. Бұндай жеңіске Италия 1938 жылы және Бразилия 1962 жылы қол жеткізді.
Тарихта француздар аргентиналықтармен 3 рет кездескен. 2018 жылы Ресейде өткен әлем чемпионатында француздар жеңіске жеткен.
