Сенат сайлауы: ертең кандидаттарды ұсыну басталады
Сайлау 2023 жылы қаңтарда өтеді
Фото: informburo.kz
Сенат сайлауына үміткерлерді тіркеу ертең, 29 қарашадан басталады, деп хабарлады Орталық сайлау комиссиясы.
ОСК мәліметінше, кандидаттарды ұсыну мен тіркеу 29 қарашада басталып, 14 желтоқсанда кешкі сағат 18.00-де аяқталады.
Сайлауалды үгіт 24 желтоқсан мен 13 қаңтар аралығында жүргізіледі.
2023 жылғы 13 қаңтар – тыныштық күні, ал 14 қаңтар – дауыс беру күні.
Орталық сайлау комиссиясы 20 қаңтарға дейін сайлау қорытындысын шығарады.
Еске сала кетсек, бұған дейін Сенат сайлауы 14 қаңтарда өтетінін жазған болатынбыз.
