Мемлекет басшысы Қазақстан Республикасы Парламенті Сенатының депутаттарын сайлауды 2023 жылғы 14 қаңтарға тағайындау туралы Жарлыққа қол қойды, деп хабарлады Halyq Uni тілшісі.

Қазақстан Республикасы Конституциясының 44-бабының 2) тармақшасына, «Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 69-бабына сәйкес Қазақстан Республикасы Парламенті Сенатының депутаттары өкілеттіктерінің конституциялық мерзімі 2023 жылы аяқталатынына байланысты Сенат депутаттарын сайлау 2023 жылғы 14 қаңтарға тағайындалсын, – делінген құжатта.

Сондай-ақ Үкіметке, Астана, Алматы және Шымкент қалаларының, облыстардың әкімдеріне Қазақстан Республикасы Парламенті Сенатының депутаттарын сайлауды ұйымдастырушылық, материалдық-техникалық және қаржылық қамтамасыз ету жөнінде шаралар қабылдау тапсырылды.

Жарлық жарияланған күнінен бастап қолданысқа енгізіледі.