Елордада жәрмеңке орнын Есілдің оң жағалауына ауыстыру жоспарланып отыр. Бірақ жергілікті тұрғындардың бұл сұрауы биыл емес, келесі жылдан бастап орындалады. Өйткені биылғы жәрмеңке бүгін аяқталып жатыр.

Маусымда басталған дәстүрлі шараның 5 айы ішінде 15 өңірдің өнімі сатылды. Барлығы 5 мың тоннадан аса тауар жеткізілді.

Өнімдердің басым бөлігі сөреге шаруашылықтың басынан алыпсатарсыз жеткізілді. Тиісінше баға да базарға қарағанда 10-20 пайызға арзан болды.

Бұл ретте бір ескерерлігі, өңірлердің жәрмеңкесі аяқталған соң, яғни келесі аптадан бастап әр сенбі-жексенбіде қалаға жақын аудандардың өнімдері сатылады.