Қазақстан футболдан Еуро-2024 іріктеу матчында Данияға қарсы ойында 1:3 есебімен жеңіліп қалған еді. «Қызылжар» ФК-ның бас бапкері Әли Әлиев соған қатысты пікір білдірді.

Шынымды айтсам, жеңіліс заңды деп айтпас едік. Иә, қағаз жүзінде даниялықтар күштірек. Біз қарсыласқа дайын болдық. Алайда антропометриялық көрсеткіштер бойынша ұтылдық. Даниялықтар біздің Әліп, Марочкин және Зайнутдиновтен әлдеқайда ұзын. Ойын баяу қарқынмен жүрді. Біз орын ауыстырып, қарсыластардың жартылай қорғаушыларын жауып үлгердік. Екінші таймда біз жоғары көтерілгенде, даниялықтар қорғаушыларымыздың артындағы кеңістікті пайдаланып, біздің осал тұсымызды ұстап алды. Екінші гол кезінде Әліп пен Марочкин алға шығып, артта бос орын қалдырды. Соны Хойлунд пайдаланып, Быстровты жеңіп кетті, – деді бапкер.

Сондай-ақ ол үшінші гол кезінде жігіттердің зейінін жоғалтып, пастың дұрыс берілмегенін алға тартты. Айтуынша, жоғары деңгейдегі қарсыластар осы олқылықты пайдаланып кеткен.

Екінші таймда ойынды тастамадық. Үшінші голдан кейін біз қарсыластың босаңсығанын пайдаландық. Осының арқасында команда керемет гол соқты. Бағдат іске асыруы керек сәтті Қайыров жасады. Салыстырмалы түрде Вороговский ерекшеленіп, мұндай мүмкіндіктерді қалай іске асыруды біледі. Бағдат сол қабілетті күшейтсе, ол ұлттық құраманың өте құнды ойыншысы болады, – деді Әли Әлиев.

Еске сала кетсек, Дания құрамасынан жеңілгеннен кейін Қазақстан өз активінде «Н» тобында 12 ұпайға ие болып қалды. Енді 17 қазанда Хельсинкиде Финляндия құрамасына қарсы ойнайды.