×

«Соловьевтің улы сілекейі». Сенат депутаты Қазақстан туралы айтқан ресейлік сарапшыларға жауап берді

Кеше бұл мәселеге қатысты Мәжіліс төрағасы Ерлан Қошанов та жауап берген еді

 Халық үні 24.11.2022 | 10:36
фото: Владимир Соловьев, Мұхтар Құл-Мұхаммед

Сенат депутаты, Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед Ресейдің телеарнасында Владимир Соловьев жүргізген бағдарламадағы ресейлік сарапшылардың сөзіне жауап берді.

Еске салайық, ресейлік «Россия 1» телеарнасындағы «Владимир Соловьевпен» бағдарламасында сарапшылардың бірі «Ресей үшін Украинадан кейінгі проблема – Қазақстан» екенін айтқан.

«Соловьев әлемнің көптеген елдерінде бұрыннан нон грат алған адам болатын және қазір бүкіл жердегі санкциялық қара тізімдердің көшін бастап келеді. Сондықтан ыза-кектің буынан ол елдің бәрінің жағасына жармасып, улы сілекейін шашып жүр. Бұрын «Россия 1» арнасында ол Алматыға бомба «тастап жіберу» туралы да айтқан болатын. Бағдарламаның қонағы – Мемлекеттік Думаның депутаты Онищенко да одан қатты шошынып қалған еді.

Ол бәрін жеккөру кесірінен ол көбіне өзеуреп өзі сөйлейді және бағдарламаның меймандарын жанжал мен арандатуға итермелейді. Және оның бәрі тікелей эфирде және есуас кейпінде болады», – дейді Мұхтар Құл-Мұхаммед.

Сенат депутаты ресейлік саясаттанушы Дробницкийдің «келесі мәселе Қазақстан болуы мүмкін. Өйткені ұлтшылдық үрдістері сол жерде де басталуы ықтимал» деген сөзінен Қазақстанға қатер төндіру анық байқалып отырғанын айтады.

«Егер ол Еуразиялық экономикалық одақ пен ҰҚШҰ-да бірге Ресейдің мемлекеттік арнасының эфирінде көрсетілмесе, дүдәмал сарапшы-фантаст Дробницкий-Жуковтың пікіріне назар аудармас едік. Ресейлік саясаткерлердің осындай екпінді, мақсатты шабуылдары Соловьевтің шоуында бұрыннан жүйелі түрде жалғасып келе жатқандықтан, олар Ресей Федерациясының федералды билігі тарапынан объективті жауапқа лайық.

Қазақстан 30 жылдан астам уақыт бойы тәуелсіз мемлекет болып келеді. Соловьев пен сол секілді саясаткерлерге шынайы шындықты түсініп, жаңа геосаяси ақиқатпен санасуды үйренетін уақыт келді», – дейді сенатор.

Бұған дейін ресейлік телеарнада айтылған сарапшылардың пікіріне қатысты Мәжіліс төрағасы Ерлан Қошанов пен Сыртқы істер вице-министрі Роман Василенко пікірін айтты. 

Серіктес жаңалықтары

Сараптама

Көкшетауда жұрттың есепшотынан жәрдемақы мен зейнетақылар ұрланып жатыр

Алаяқтардың арнайы есепшоттың құпия дерегін қайдан алғаны белгісіз
03.12.2022 | 10:38

Денсаулық сақтау министрлігі электронды темекі саудасына толық тыйым салмақ

Сарапшылар оған тосқауыл қоюдың басқа жолын табу қажет деп отыр
03.12.2022 | 09:50

Заманбек Нұрқаділовтің бұрын-сонды еш жерде жарияланбаған видеосы шықты

Бұл видео «Хабар» агенттігінің архивиінде сақталған
03.12.2022 | 07:34

Қарағанды ​​облысында автобус күтіп тұрған оқушының беті үсіп қалған

Абай аудандық білім бөлімі оқиғаны растады
03.12.2022 | 06:30