×

Инвестиция, жасанды интеллект, блокчейн: Смайылов Қатар экономикалық форумына қатысып жатыр

Шара аясында ірі компаниялар мен қаржы ұйымдарының басшыларымен келіссөздер жоспарланған

 Динара Амантай 23.05.2023 | 14:43
Фото: t.me/KZgovernment

Премьер-министр Әлихан Смайылов Доха қаласында өтіп жатқан үшінші Қатар экономикалық форумына қатысып жатыр, деп хабарлады Halyq Uni тілшісі.

Биылғы іс-шара жаһандық экономикалық өсудің жаңа мүмкіндіктеріне арналды. Атап айтқанда, дамушы нарықтарға инвестиция салу, жаңа энергетикаға көшу, сауда мен жұмысқа жасанды интеллектіні, блокчейн және басқа да технологияларды енгізу сияқты мәселелерді талқылау жоспарланып отыр. Форумға шет мемлекеттер мен үкіметтердің, әлемдік ірі корпорациялардың басшылары, жаһандық инвесторлар, сондай-ақ тікелей инвестициялар саласындағы жетекші сарапшылар мен танымал журналистер қатысып жатыр.

Іс-шара аясында Әлихан Смайылов Қатар әмірі, шейх Тәмим бин Хамад әл-Тәнимен және премьер-иинистр – Сыртқы істер министрі, шейх Мұхаммед бин Абдурахман әл-Тәнимен кездесулер өткізеді деп күтіледі. Сонымен қатар ірі компаниялар мен қаржы ұйымдарының басшыларымен келіссөздер жоспарланған.

Серіктес жаңалықтары

Сараптама