Алматы облысында бұрынғы әйелін 22 рет пышақтаған ер адам ұсталды, деп хабарлайды Polisia.kz.

Айта кетсек, бұған дейін әлеуметтік желіде жәбірленушінің видеосы жарияланған болатын.

Қылмыс 3 қыркүйекте Шелек ауылында болған. Дерек Еңбекшіқазақ ауданы ПБ СДТБТ-де Қылмыстық кодекстің 24-бабы 3-бөлігі, 99-бабының 1-бөлігі («Адам өлтіруге оқталу») бойынша тіркелді. Бүгінде оқиғаның мән-жайы анықталып жатыр. Тиісті сараптамалар тағайындалды. Барлық қажет тергеу әрекеті жүргізілуде, – деді Алматы облысының ПД баспасөз қызметі.

Күдікті қамауда жатыр. Департамент басшылығы қылмыстық істің тергеу барысын бақылауға алған.