12 жыл бойы халықаралық іздеуде жүрген шетел азаматы Шымкентте ұсталды
Ол ірі көлемде ұрлық жасаған
фото: Halyq Uni
Өзбекстан азаматы 12 жыл бойы қылмыстық қудалаудан жасырынып келген.
Шымкент қаласы ПД экстремизмге қарсы іс-қимыл басқармасының қызметкерлері жедел-профилактикалық іс-шара барысында Өзбекстанның 45 жастағы азаматын ұстады.
Ер адамға ірі көлемде ұрлық жасағаны үшін көрші елдің тәртіп сақшылары халықаралық іздеу жариялаған. Ал ол қылмыстық қудалаудан 12 жыл бойы жасырынып келген.
Қазір шетелдік қамауда. Оны Өзбекстан Республикасына экстрадициялау жұмыстары жүргізіліп жатыр, - делінген Шымкент қаласының ПД баспасөз қызметі таратқан хабарламада.
