Қорғаныс министрлігі Ұлттық қорғаныс университеті аумағындағы тұңғыш президент ескерткішінің алынуына қатысты түсінік берді, деп хабарлады Halyq Uni тілшісі.

Ведомство мәліметінше, Қорғаныс министрінің бұйрығымен «Тұңғыш президент – Елбасы атындағы Ұлттық қорғаныс университетінің» атауы «Ұлттық қорғаныс университеті» болып өзгертілді.

Осыған байланысты Ұлттық қорғаныс университетінің аумағында орналасқан тұңғыш президенттің ескерткішін ҚР Қарулы күштері мемлекеттік әскери-тарихи музейіне көшіру және орнату туралы шешім қабылданды. Қазір ескерткіш қорғаныс ведомствосына қарасты ғимаратқа уақытша қойылды. Дайындық жұмысы жүргізілгеннен кейін ескерткіш музейге орнатылады, - деп жазылған министрліктің хабарламасында.

Бұған дейін Астанада Нұрсұлтан Назарбаев ескерткішінің алынып тасталғаны хабарланған еді.