Алматы облысының құтқарушылары Шарын шатқалында жартастан құлаған Ресей азаматын құтқарды, деп хабарлады облыстық ТЖД баспасөз қызметі.

Оқиға бүгін түнде болған.

Түнгі сағат 02:00-ден бастап Алматы облысы ТЖД жедел-құтқару жасағының құтқарушылары 1990 жылғы Ресей азаматын жартастан эвакуациялады. Әйел Ұйғыр ауданында Шарын шатқалындағы жартастан (Қызыл жартастар) 500 метр қашықтыққа домалап, өздігінен көтеріле алмаған, - делінген ТЖД хабарламасында.

Ресейлік Шарын шатқалына 19 тамызда кешкі сағат 6 шамасында Алматыдағы достарымен бірге барған. Ал Алматы облысының ТЖД құтқарушылары мен техникасының күшімен ол бүгін сағат 07:17-де құтқарылды.