Балқашта жантүршігерлік жол апаты болды
Сотқа дейінгі тергеу амалдары басталды
Фото: polisia.kz
Балқашта жол апаты болып, салдарынан 9 адам қаза тапты, деп хабарлады Halyq Uni тілшісі.
Полиция қызметкерлерінің мәліметінше, бүгін сағат 6:00 шамасында Балқаш – Приозерск тасжолында, Гүлшат кентінен 5 шақырым жерде Toyota Camry 70 пен Honda Odyssey көліктері соқтығысып, жол-көлік оқиғасы тіркелді.
Салдарынан 9 адам оқиға орнында қаза тапты. Бір жолаушы ауруханаға жеткізілді, - деді Балқаш қалалық ПБ-ның бастығы Айткен Кадрин.
Аталған дерек бойынша сотқа дейінгі тергеу амалдары басталып, тиісті сараптамалар тағайындалды.
