Талдықорғанда ПИК қызметін автоматтандыру кезінде жұмыс істемейтін бағдарламаларды орнатқан ЖШС басшылары сотталды, деп хабарлады Halyq Uni тілшісі. 

Қаржылық мониторинг агенттігінің мәліметінше, ведомствоның Жетісу облысы бойынша департаменті облыстық ҰҚКД-мен бірлесіп, Талдықорғанда ПИК қызметін автоматтандырудың бағдарламалық қамтамасыз етуін енгізуді іске асыру кезінде алдау жолымен ұрлық жасау фактісі бойынша сотқа дейінгі тергеп-тексеруді аяқтаған. Анықталғандай, үш ЖШС «Талдықорған қаласының ақпараттық-талдау орталығы» коммуналдық мемлекеттік мекемесімен 162 млн теңге сомасына ПИК қызметін автоматтандырудың бағдарламалық қамтамасыз ету қызметін сатып алуға мемлекеттік сатып алу туралы шарт жасасқан.

Бағдарлама басқару органдарының (ПИК) қызметін автоматтандыруға, басқарушы компаниялардың қызметін және қаланың тұрғын үй қорының жай-күйін бақылау бойынша әкімдіктің міндеттерін шешуге, сондай-ақ тұрғын үй қатынастарына қатысушылардың өзара іс-қимылына арналған. Алайда, олар жұмыс істемейтін бағдарламалық өнімді жеткізген. Осылайша коммуналдық мемлекеттік мекеме қызметкерлерін алдау және олардың сенімін теріс пайдалану арқылы қылмыстық құқық бұзушылық жасаған, – делінген ҚМА хабарламасында.

Сотқа дейінгі тергеп-тексеру барысында келтірілген 162 млн теңге залал сомасы толық өтелді.

Сот үкімімен үш ЖШС басшылары кінәлі деп танылды, оларға 5 жыл мерзімге бас бостандығынан айыру, 5 жыл мерзімге мемлекеттік сатып алуға қатысуға байланысты қызметпен айналысу құқығынан айыру мен орташа қауіпсіздік қылмыстық-атқару жүйесі мекемесінде жазасын өтеу түріндегі жаза тағайындалды.