Түркістан облысында жол ережесін өрескел бұзған жүргізушілер анықталды, деп хабарлады Halyq Uni тілшісі.

Полиция қызметкерлері әлеуметтік желілерге мониторинг жүргізу барысында той кортежінде жол ережесін сақтамаған және рұқсат етілмейтін қызыл-көк түсті маяк орнатып, тасжолда мемлекеттік тіркеу нөмірінсіз емін-еркін жүрген екі көліктің бейнежазбасын анықтады. Құқықбұзушылық Қазығұрт ауданында болған.

Оқиғаға қатысты ВАЗ 21015 көлігі анықталып, оның жүргізушісі ҚР ӘҚБтК-нің 590-бабы 2-бөлігі, 603-бабы 2-бөлігі, 601-бабы 1-бөлігі бойынша жауапқа тартылды. Жүргізуші кінәсін толық мойындады, – делінген хабарламада.

Ал бейнежазбадағы екінші Lada Granta көлігін басқарған шымкенттік тұрғынның жеке басы анықталып, тәртіп сақшылары іздестіру жұмыстарын жүргізіп жатыр.