Қостанай облысы Заречное ауылындағы «Арғымақ» ипподромында Қостанай тұқымы жылқылары арасында бәйге өтті, деп хабарлайды Halyq Uni.

Жарыстың негізгі мақсаты – жылқының Қостанай тұқымын қолдау және дамыту. Қостанай облысы әкімдігінің қолдауымен және ҚР Ұлттық спорт қауымдастығы мен республикалық «Бәйге» федерациясының ұйымдастыруымен өткен бәйгеге 40-қа жуық жылқы қатысып, ұшқыр бәйге, құнан бәйге, аламан бәйге бойынша сайысқа түсті.

Ұшқыр бәйге 1200 метр:

1-орын Өтеген Қуаныштың «Командор» есімді тұлпары;

2-орын Байқұрман Сабыржанның «Самғау» есімді тұлпары;

3-орын Никонов Михаилдің «Быстрая звезда» есімді тұлпары.

Ұшқыр бәйге 2000 метр:

1-орын Байқұрман Сабыржанның «Рибэка» есімді тұлпары;

2-орын Ертас Ринаттың «Берен» есімді тұлпары;

3-орын Қонысбаев Ерасылдың «Коржик» есімді тұлпары.

Құнан бәйге 7000 метр:

1-орын Харитонов Тимурдың «Нұрберген» есімді тұлпары;

2-орын Ахмет Нұрасылдың «Фаина» есімді тұлпары;

3-орын Төребаев Асқардың «Қаңтар» есімді тұлпары.

Аламан бәйге 20 000 метр:

1-орын Қайыржан Әлиханның «Фанзор» есімді тұлпары;

2-орын Рымхан Нұртілеудің «Бәйтерек» есімді тұлпары;

3-орын Жанат Айсерінің «Риба» есімді тұлпары.

Айта кетейік, турнирдің бас серіктесі – «Самұрық Қазына» АҚ, ал серіктесі – «Sportqory» спортты қолдау қоры.