Алматы облысында құны 15,1 млн теңге болатын 20 бас жылқыны барымталағандар қамауға алынды, деп хабарлады Halyq Uni тілшісі.

Полиция қызметкерлерінің мәліметінше, 17 сәуірде Кеген ауданы ПБ-ға Сарыкөл ауылының 59 жастағы тұрғыны Қарқара кентінің маңындағы жайылымнан құны 15,1 млн теңге болатын 20 бас жылқысының ұрланғаны жөнінде арызданған болатын.

Дерек ҚР ҚК-нің 188-1-бабы 4-бөлігі 2-тармағы («Мал ұрлау») бойынша аудандық полицияның СДТБТ-да тіркелді. Аталған дерек бойынша жедел-іздестіру іс-шараларын өткізу кезінде Алматы облысының ПД КПБ қызметкерлері Кеген ауданының КПБ қызметкерлерімен бірлесіп, 18 мамырда 28, 27 және 26 жастағы үш күдіктіні ұстады.

Қазір тергеу іс-шаралары жүргізіліп жатыр. Ұсталған азаматтардың басқа да осыған ұқсас қылмыстарға қатыстылығы тексерілу үстінде. Ұрланған мал Түркістан облысының Қарабұлақ ауылынан табылып, тәркіленді. Ұсталғандарға қатысты қамауда ұстау бұлтартпау шарасы таңдалды.