Талдықорғанда әйелін аяусыз ұрып-соққан ер адам сотталды, деп хабарлады Halyq Uni тілшісі.

Осы жылдың жазында қалалық полиция жергілікті бұзақылардың біріне қатысты іс материалдарын қарады. Зайыбын ұрып-соғумен бірге, отбасылық жанжал фактілері бойынша 44 жастағы ер адам бірнеше рет құқық қорғау органдарының назарына іліккен. Кезекті жанжал кезінде әйел ауруханаға түсіп, онда дәрігерлер оған мидың шайқалуы, жабық ми жарақаты, параорбитальды гематома, иық пен қабырғаның зақымдануы, бірнеше қабырға сынған деген диагноз қойды. Денеге зақым келтіру дерегі бойынша тергеушілер қылмыстық іс қозғады. Тергеу кезінде ер адамға жәбірленушіге жақындауға тыйым салынған.

Іс жүзінде дәлелдемелік база жинақталып, оған бірнеше сараптаманың нәтижелері қоса тіркелді. Тергеу аяқталғаннан кейін айыптау қорытындысы бар материалдар қалалық соттың қарауына жіберілді. Сот үкіміне сәйкес, құқық бұзушыға бір жыл бас бостандығын шектеу және 100 сағат мәжбүрлі жұмыс түріндегі жаза тағайындалды, – деді Талдықорған қаласының ПБ анықтаушысы Батырхан Маштақов.

Әйел күйеуінен кетуге шешім қабылдады. Қазір ол бөлек тұрады. Ер адам полиция қызметкерлерінің қатаң бақылауында. Жаза кезінде оған ойын-сауық орындарына (кафелер, барлар, мейрамханалар және тағы басқа осыған ұқсас орындарға) баруға және 22:00-ден кейін рұқсатсыз тұрғылықты жерінен және қаладан кетуге тыйым салынған.

Еске сала кетсек, бұған дейін Алматы қаласы ПД Жергілікті полиция қызметі басқармасы басшысының орынбасары Диас Дуанбековтің күйеуі қол көтеретін әйелдерге берген кеңесін жариялаған болатынбыз.