Әлеуметтік желілерде бір полицейдің әлдебір құқық бұзушының соңынан қуып бара жатқан видеосы тарады. Lada.kz мәліметінше, қашып бара жатқан ер адам да полиция қызметкері екен. Оны кейін ІІМ де растады.

6 қазан күні сағат 12.00-де Жаңаөзен қаласының патрульдік полиция қызметкерлері жалған мемлекеттік нөмірмен жүрген Toyota Crown автокөлігін тоқтатты. Осы факті бойынша ҚР ӘҚБтК-нің 590-бабы 4-бөлігі бойынша («Көлік құралдарын пайдалану қағидаларын бұзу») әкімшілік хаттама толтырылды, - деп жазылған ІІМ ресми хабарламасында.

Қазір автокөлік айып тұрағында тұр. Материал сотқа жіберілген. Сонымен қатар қызметтік тексеру де жүргізіліп жатыр екен. Енді ұсталған қызметкердің іс-әрекетін тәртіптік комиссия қарастыратын болады.