×

Қызылордада балабақша сәбилері мінген көлік апатқа ұшырады

Бүлдіршіндерге облыстық көпсалалы балалар ауруханасында алғашқы медициналық көмек көрсетілді

 Халық үні 15.09.2022 | 19:51
фото: stan.kz

Қызылорда қаласында балабақша сәбилері мінген жеңіл көлік жол-көлік оқиғасына ұшырады, деп хабарлайды қалалық полиция басқармасының баспасөз қызметі. 

Жол-көлік оқиғасы бүгін, 15 қыркүйекте Қызылорда қаласының сол жағалауында орналасқан «Болашақ» университетінің маңындағы жол қиылысында болған.

«Оқиға барысында «Honda Odyssey» және «Hyundai Santa fe» көліктері соқтығысып қалған. «Honda Odyssey» көлігі қаладағы балабақшаның біріне тиесілі болған. Аталған көлікке мінген сәбилерге облыстық көпсалалы балалар ауруханасында алғашқы медициналық көмек көрсетілді. Аталған жол-көлік оқиғасы бойынша сараптама тағайындалды», - делінген хабарламада.

Серіктес жаңалықтары

Сараптама