Оқушылардың жаңа демалыс кестесі жарияланды
Бұрын оқушылар кем дегенде 30 күн демалса, енді демалыс уақыты 25-ке дейін қысқарды.
Фото: Даниал Оқасов
Қазақстанда оқушылар демалысының жаңа кестесі жарияланды, деп хабарлайды 24.kz.
Оқу жылы екі аптаға ұзартылды. Бұл демалыстың ұзақтығына әсер етті. Бұрын оқушылар кем дегенде 30 күн демалса, енді демалыс уақыты 25-ке дейін қысқарды.
Сонымен, 31 қазаннан 6 қарашаға дейін күзгі демалыс уақыты. 8 қаңтар – 9 күндік қысқы демалыстан кейінгі бірінші оқу күні. Ал көктемде демалыс 18 наурыздан 26 наурызды қоса алғанда жалғасады. Жазда балалар енді тура үш ай – 1 маусым мен 31 тамыз аралығында демалады.
