Футбол: «Барселона» Мессиді қайтарып алғысы келеді
Ол кезінде каталониялық клубтың сапында 520 матч өткізіп, 474 гол соғып, 216 нәтижелі пас берді
фото: ашық дереккөз
«Барселона» президенті Жоан Лапорта «Пари Сен-Жермен» клубының сапында өнер көрсетіп жүрген 35 жастағы аргентиналық шабуылшы Лионель Мессиді қайтарып алғысы келетінін айтты.
Қазір Лапорта аргентиналық футболшының агенттерімен келіссөз жүргізіп жатыр.
Месси «Барселонадан» 2021 жылы жазда кеткен болатын. Шабуылшы каталониялық команда құрамында 520 кездесу өткізіп, 474 гол соғып, 216 нәтижелі пас берді. Ол «Барсаның» қатарында 35 рет жүлде алып, 7 рет «Алтын доп» иегері атанды.
