Қытай әскери жаттығу аясында Тайваньға қарай 20 ұшақ пен 14 кеме жіберді. Бұл туралы аталған аралдың қорғаныс министрлігі өзінің Твиттердегі парақшасында хабарлады.

Өз кезегінде Тайбэй жағдайды бақылау үшін әуе патрулін жіберіп, зениттік-зымыран кешендерін іске қосқан.

Естеріңізге сала кетсек, бейсенбі күні Қытай армиясы Тайваньді қоршай ауқымды әскери оқу-жаттығу жиынын бастаған болатын. Жалпы аймақтағы ахуал АҚШ Өкілдер палатасының спикері Нэнси Пелосидің сапарынан кейін ушығып кеткен еді.

Айта кетейік, Тайвань айналасындағы әуе қатынасы 7 тамызға дейін жабық болды.

Бұған дейін Қытайдың бес зымыраны Жапонияға түскенін жазған болатынбыз. Сонда-ақ бір күн бұрын Қытай Тайвань маңындағы суларға бірнеше зымыран ұшырды.