Алматыда қазақстандықтарды алдаған тағы бір қаржы пирамидасы анықталды, деп хабарлайды Қаржылық мониторинг агенттігі.

Агенттіктің Алматы қаласы бойынша департаменті Innova Gold қаржы пирамидасының жолын кесті.

Салымшылардың жалпы саны 1300-ден асады. Қаржы пирамидасының қызметінен келген шығын анықталып жатыр. Ұйымдастырушыға қатысты 2 айға дейін қамауға алу түріндегі бұлтартпау шарасы тағайындалды, - деп жазылған хабарламада.

Егер сіз немесе туыстарыңыз Innova Gold қызметінен зардап шексе, агенттіктің сенім телефонына немесе аумақтық департаменттерге хабарласа аласыз:

• +7(7172)708-478.