Ақордада Мұрат Нұртілеуді тағайындау туралы жарлық шықты.

Мұрат Әбуғалиұлы Нұртілеу Президент әкімшілігінің басшысы қызметіне тағайындалсын, – делінген құжатта.

Мемлекет басшысының тағы бір өкімімен Мұрат Нұртілеу Ұлттық қауіпсіздік комитеті төрағасының бірінші орынбасары лауазымынан басқа жұмысқа ауысуына байланысты босатылды.

Сондай-ақ бүгін Президент әкімшілігінің бұрынғы басшысы Ерлан Қошанов Мәжіліс төрағасы болып сайланды, ал Мәжілістің бұрынғы спикері Нұрлан Нығматулин өз еркімен орнын босатты.

МҰРАТ НҰРТІЛЕУ

1998 жылы Әл-Фараби атындағы Қазақ мемлекеттік ұлттық университетін тәмамдады.

1998-2007 жылдары – Сыртқы істер министрлігінде қызмет атқарды;

2007-2011 жылдары – Сенат аппаратының басшысы;

2011-2014 жылдары – Сыртқы істер министрлігінде қызмет етті;

2014-2016 жылдары – Президенті әкімшілігінде қызмет істеді;

2016-2019 жылдары – Қазақстанның Финляндиядағы және оған қоса Эстониядағы төтенше және өкілетті елшісі болды;

2019-2021 жылдары – Президент көмекшісі;

2021-2022 жылдары – Президент әкімшілігі басшысының орынбасары;

2022 жылғы 5 қаңтардан бастап – Ұлттық қауіпсіздік комитеті төрағасының бірінші орынбасары.

«Құрмет» орденімен наградталған.