Астана әуежайына түнгі уақытта автобус қатынайтын болды
Бағдардың күндізгі қозғалыс кестесі өзгеріссіз қалады
Фото: inform.kz
15 шілдеден 8 тамызға дейін Нұр-Сұлтан қаласында қоғамдық көліктің түнгі рейстері әуежайға дейін қатынайды.
City Transportation Systems компаниясы баспасөз қызметінің мәліметіне сенсек, мұндай шешім елордалық әуе айлағының түнгі жұмыс режиміне уақытша көшуіне байланысты қабылданған.
Жолаушыларды №10 бағыттағы автобустар тасымалдайды. Әуежайдан №10 бағытының түнгі рейстерінің шығу уақыты: 23:18, 00:29, 01:59, 02:59.
Бағдардың күндізгі қозғалыс кестесі өзгеріссіз қалады.
