Қазақстандық файтер, Fight Nights Global қатысушысы Қуат «Найман» Хамитов үлкен спортқа оралатынын мәлімдеді.

«Қазір мен жарақат алып қалдым. Бірақ көзімде ұшқын пайда болып, бұрынғыдай ұрысқа дайын екенімді сездім.

Тағы 5 жыл төбелесуге дайынмын деп санаймын. Сондықтан осындай оңай емес шешімді қабылдадым.

Бұл оңай болған жоқ. Қолдауларыңызға тағы да алғыс айтқым келеді», - деп жазды спортшы Instagram-дағы парақшасында.

Биыл қаңтар оқиғасы кезінде Қуат Хамитов спорттағы мансабын аяқтағанын мәлімдеген болатын.

«Мен тағы 5 жыл төбелесуді, мансабымды жалғастырымды, еліміздің даңқын шығаруды жоспарладым. Бірақ бұл жағдайға құқық қорғау органдары қатысқандықтан, спорттағы мансабымды ресми түрде аяқтаймын деп шештім. Өмірімнің жаңа тарауы басталды», - деген еді сонда файтер.

Айта кетсек, 34 жастағы спортшы 30-дан аса жекпе-жек өткізген. Ол 23 рет жеңіске жетіп, 7 рет ұтылған, 1 кездесу тең аяқталған.