Маусым айында Мадрид қаласында өтетін НАТО-ға мүше елдер басшыларының кездесуінде Ресей мен Қытайға қатысты ұстаным қаралады.

Биыл Мадрид саммитінде өте маңызды мәселелер талқыланады. Біз қабылдайтын жаңа стратегиялық тұжырымдама қауіпсіздіктің жаңа шындығын көрсетеді, - деді Испанияның ABC басылымына берген сұхбатында НАТО бас хатшысы Йенс Столтенберг.

Бас хатшының айтуынша, Мадрид саммитінде оңтүстіктен келетін тұрақсыздық пен лаңкестік сияқты қауіптерге қатысты мәселелер көтеріледі.

Бұған дейін Столтенберг Ресей мен Украина арасындағы соғыстың қашан аяқталатынын қазір ешкім болжай алмайтынын, сондықтан ұзақ уақытқа созылуы мүмкін екенін айтқан болатын.