Халықаралық сарапшылар «Майқайыңалтын» АҚ кенішінде іздестіру-құтқару жұмыстарын жалғастыру құтқарушылар үшін қауіпті деп есептейді, деп хабарлады Halyq Uni тілшісі.

Құтқару жұмыстары басталғалы бері ТЖМ, Павлодар облысы ТЖД апаттық-құтқару қызметтері қауымдастығы халықаралық мамандармен үнемі кеңесіп отырды.

ТЖМ Төтенше жағдайларды жою департаменті РФ ТЖМ апаттық-құтқару жұмыстары басқармасының бастығымен, Өзбекстан Республикасы ТЖМ төтенше жағдайларды жою басқармасы бастығының міндетін атқарушымен, Қырғыз Республикасы ТЖМ Құтқарушыларды даярлау орталығының орынбасарымен, Беларусь Республикасы ТЖМ апаттық-құтқару жұмыстары басқармасының бастығымен қолда бар технологиялар және ұқсас іздеу-құтқару операцияларын жүргізу мәселесі бойынша тәжірибе алмасу бойынша консультативтік жұмыстар жүргізді.

Осындай жұмысты Павлодар облысының ТЖД да жүргізді. РФ ТЖМ төтенше жағдайларды жою департаменті ТЖ халықаралық жою басқармасының бастығымен, Беларусь Республикасы ТЖМ, РФ ТЖМ апаттық-құтқару жұмыстары басқармасының бастығымен, Беларусь Республикасы ТЖМ «ЗУБР» Республикалық арнайы мақсаттағы жасағы Минск орталығының бастығымен, Қырғыз Республикасы Төтенше жағдайлар министрінің экс-орынбасарымен консультациялар өткізілді.

Осындай жұмысты Қазақстан Республикасының апаттық-құтқару қызметтері қауымдастығы да жүргізді. Шетелдік серіктестермен – жетекші кәсіби апаттық-құтқару (тау-кен құтқару) қызметтерімен және Оңтүстік Африка, Ресей, Канада серіктестерімен консультациялар өткізілді.

Халықаралық сарапшылар мұндай төтенше жағдайлар тіркелмегенін атап өтті. Бірақ басқа ерекшеліктері бар шахталардың құлауы тіркелді. Қазақстандық құтқарушылардың іс-әрекеттеріне шетелдік мамандардың пікірлері оң. Топырақтың қолда бар сипаттамаларында қолдануға болатын максималды күштер мен құралдарды тарта отырып, жүргізілген жұмыстардың орасан зор көлемі атап өтілді.

Барлық тартылған халықаралық сарапшылар жұмыстың одан әрі қаупін атап өтті. Себебі объектідегі жұмыстар топырақтың тұрақсыз күйімен, шұңқырдың беткейлерінен топырақтың үнемі төгілуімен және шұңқырдың астындағы ықтимал бос орындармен қиындап отыр. Бұл құлау қаупін одан әрі арттырады және сәйкесінше құтқарушылар үшін қауіпті.