Дэвис кубогы: Қазақстан енді Даниямен ойнайды
Матч 13-14 немесе 14-15 қыркүйекте өтеді
Фото: Қазақстан теннис федерациясы
Теннистен Дэвис кубогының бірінші әлемдік тобы матчтарының жеребесі тартылды. Еліміздің ерлер құрамасы өз алаңында Дания командасымен ойнайтын болып шешілді.
Бұған дейін командалар бір-бірімен кездеспеген.
Матч 13-14 немесе 14-15 қыркүйекте өтеді. Қазақстан құрамасы Дания командасын жеңген жағдайда 2025 жылы ақпанда командалық іріктеу матчында сынға түседі.
Еске сала кетсек, биыл Юрий Щукин жаттықтыратын еліміздің бас командасы 3-4 ақпанда тартысты матчта Аргентинаға 2:3 есебімен есе жіберген еді.
